2008

 

UNIT ṬKP din ṭan dan:

 

BCM, New Capital Complex Kohhran Committee, dt. 28.03.2008-a thu khawm chuan New Capital Complex kohhranah Ṭhalai Kristian Pawl Unit din ve a lo rêl a. Kohhran Committee chuan ṬKP OB hmasa berte ruat nghalin member zawng zawng chu Executive Committee member-a ruat an ni. Kohhran Committee-in ṬKP din a lo rel ni, thla leh kumte hi Unit ṬKP din ni aṭan pawm nghal a lo ni ta a ni. Kum 2008 chhung hian O.B. meeting vawi 6 neih niin Executive Committee Meeting chu General Body Meeting/ Fellowship anga hman a ni a, vawi 1 hman a ni. Office Bearers paruk (6) leh Sr. Adviser pahnih (2), a hnuaia mi ang hian ruat nghal a ni:

President          : Tv. T. Lalṭanpuia

Vice President  : Pu Zosangliana

Secretary          : Tv. F. Lalropuia

Asst. Secy        : Tv. F. Lalremruata

Treasurer         : Nl. C. Lalrinawmi (till 21^st July)

                          Nl. Lalenkawli (from 21^st July)

Finance Secy    : Nl. Lalenkawli (till 21^st July)

                          Tv. Vanlalpeka (from 21^st July)

Sr. Advisers     : Rbt. Rodingliana Ralte, Upa Ramhluna Hnamte

Ex-Officio        : Upa F. Lalnunmawia (Kohhran Chairman)

                          Upa Remlalsiama (Kohhran Secretary)

 

Dt. 04.04.2008 (Friday)-ah Mission Vengthlang Pastor Bial ṬKP OB meeting a awm a, hetah hian Secretary, ṬKP New Capital Complex Unit chuan unit din a nih thu report ziakin a theh lut nghal a.

Dt.13.04.2008 (Sunday chawhnu)-a Executive Committee meeting chuan Programme Committee a din a, mumal taka unit programme-te kalpui ṭan a lo ni ta a ni. A hnuaia mite hi Programme Committee hruaitute an ni.

Chairman         : Pu Zosangliana (Unit Vice President)

Secretary          : Tv. F. Lalremruata (Unit Asst. Secretary)

Members          : 1) Tv. Vanlalpeka

                          2) Tv. Tommy Lalmalsawma

                          3) Nl. K. Lalmuanzuali

                          4) Nl. F. Lalhmachhuani

                          5) Tv. K.T. Chungnunga

                          6) Tv. Lalruatdika

Sr. Advisers     : Rbt. Rodingliana Ralte, Upa Ramhluna Hnamte

Ex-Officio        : Unit President & Unit Secretary

(O.B. leh Executive Committee Meeting-ah hian thawhlawm khawn ṭhin a ni.)

 

Member Dinhmun:

Mipa                :           40

Hmeichhia       :           22

TOTAL            :           62

 

Unit ṬKP din ṭan kumah hian Annual plan mumal taka siam a ni lo a, ṬKP hmalakna hrang hrangte hi O.B. Meeting-in a tahtawlin a rel mai ṭhin a ni.

 

Rawngbawlna leh hmalak hrang hrangte:-

1)      ṬKP day puala thisen pek

2)      Christian Hospital ṭanpuina pek

3)      Unit ṬKP Sport

4)      Bial Inkhawmpuia zaia rawngbawlna

5)      ABC Inkhawmpuia zaia rawngbawlna

6)      Bial ṬKP Sport

7)      Biak in dawhkan siam that

8)      Biak in kawta changel phun

9)      Mizoram chhûnga tam tuarte ṭanpuina pek.

 

Bial ṬKP-in ṬKP NSC Unit te target a tuk zat chu 1,000/- a ni a, MṬKP Inkhawmpuina atana target tuk zat chu 500/- a ni. Dt. 13.04.2008 General Body Meeting rel angin member tinte hnen aṭangin Faith Promise khawn ṭan a ni.